Maniitsoq: Atammip Nuummut piumanera eqqumiik

Atammimmi nunaqarfimmi aqutsisut siulittaasuata Jonas Poulsenip kujataata radioani qanittukkut saqqummiussaa, tassa Atammiup Nuuk kommunaenut utertinneqarsinnaanissaanik kissaataa, Maniitsup borgmesteriata Søren Lyberthip assut eqqumiigaa. Søren Lyberth ima oqarpoq:

- Tassami uggornarpoq taamatut pinerat. Naatsorsuutigilluinnaratsigu Sisimiullu kattunnissatsinnut peqataassasut. Taamaattumik maannakkut piffissaq kingulleq atorlugu taama oqariartuuteqarneq assorujussuaq paasiuminaappoq, uagutsinnullu uggornarluni.

Søren Lyberth oqarpoq Atammimmiut oqaillinnermi ilaatinneqartuarsimasut, aallaqqaammullu tusarniaaneqarmalli Atammammi nunaqarfimmi aqutsisut peqataaffigisaannik. Atammimmiut Maniitsup kommuneanut saaffiginnissimanngillat. Nuup borgmesteria Agnethe Davidseb oqarpoq Atammimiut Nuummut saaffiginnikkusukkunik soorunami saaffiginnissinnaasut. Tamanna Nuummiut oliviniorsiffimmik soqutigisaqarnerannik tipeqartikkini Søren Lyberth oqarpoq.

Atammimmiut aniumallutik Maniitsup kommuneanut saaffiginnissappata saaffiginnissutaat kommunalbestyrelsemi soorunami nalilersorneqarumaartoq Søren Lyberth oqarpoq, erseqqissaatigaalu olivinisiorfimmik Maniitsup kommunea aallartitseqataasoq olivinisiorfiup tigummiinnarnissaanut sorsuutiginnissalluni piareersimasoq.