Manchesterimi inuit tallimat savilersorfigitissimasut passunneqartut

Politiit naapertorlugit angut 40-t sinnerlugit ukiulik tigusaareerpoq. Tuluit politiivi naapertorlugit angut peqqarniisaarsimasutut pasisaavoq.

Savilersortoqarnera politiinut ulloqeqqanut qiteqqutilertoq nalunaarutigineqarpoq.

- Tallimat savimmik kapineqartut napparsimmavimmukaanneqareertullu uppernarsarsinnaavarput. Pisumut alianartumut suna pissutaanersoq pillugu suliaq taama siusitsigisumiitillugu ammavugut.

- Pisoqarfiusoq eqqarsaatigalugu uagut pisumik erseqqissaanitsinni peqqarniisaarnianik akiuinermut immikkoortortaqarfitta misissuineq ingerlappaat, BBC naapertorlugu Manchesterip politiivisa oqaaseqartartuat oqarpoq.

Init quleriit allersaat pisoqarfiusoq takunnittoq, pisiniarfeqarfimmi pisiniarfimmi sulisoq, BBC-mut oqaluttuarpoq.

- Angut savilersorluni arpaqattaarpoq, inuillu arlallit kaperiaqattaarlugit. Taakkua ilaat tupaqqasorujussuulluni pisiniarfinnut iserpoq, takunnittoq oqarpoq.

Tuluit Nunaata ministeriunerata, Boris Johnsonip pisoq pillugu annilaarluni oqaatigereerpaa.