Mamartuliornermut pikkorissartut
Ilulissani iggavinni ikiortinut decembarimi 2011-imi pikkorissaasoqarpoq, nerisassat peqqinnartut ukioqanngitsuniit aqqaneq-marlunnut ukiulinnut pikkorissarnermi imaritinneqarluni.
Sapigaqarneq, kalaallit nerisassioriaasiannik nutaaliorsinnaaneq aamma eqqiluisaarneq pikkorissartut pikkorissarnerminnut atatillugu ujartorpaat. Qaasuitsup Kommuniata nittartagaani tamanna atuarneqarsinnaavoq.
Taamaammat pikkorissarnerup annertusineqarnissaa aalajangiunneqarpoq, Qaasuitsullu Kommuniani paaqqinnittarfinni iggavimmi ikiortinut upernaaru pikkorissaqqinissaq neqeroorutigineqarluni.
Pikkorissarnerup imarisai atuagarsornikkut annerusumik oqallisissiaassapput, aamma iggavinni misileraanikkut pissallutik.
Nerisassat peqqinnartut suunersut, nerisassioriaatsit, kissartunik ulloqeqqasiutit isiginiarnerullugit, akunniliullugillu peqqinnartunik nerineqarsinnaasut pillugit oqallisissiaqarlunilu misileraasoqassaaq.
