Immiaaraq imertinnagu sunik akoqarnersoq tappiitsut atuaqqaarsinnaanngorpaat.
Qarasaasiakkut nutaarsiassaleriffik ananova.com naapertorlugu, Tysklandimi Düsseldorf-imi immiorfik nutaamik immiaaqqamut puiaasaliorsimavoq, tassani puiaasamut nipitittakkami immiaaqqap akui tappiitsunit atuarneqarsinnaallutik.
Tyskip tappiitsunik illersuisup, Joana Zimmerip, puiaasaq nutaaq nuannaarutigilluinnarpaa.
- Tappiitsut oqummikkatik suunersut amerlanertigut nalusarpaat. Puiaasami nutaami tamanna maanna qaangerneqarpoq, tamannalu siuariarnerujussuuvoq, Zimmer oqarpoq.
Immiaaraq taamaalilluni immaqa mamarnerulerpoq.