Malittarisassat malillugit sulipput

Innarluutillit sullinneqarneranut allaffissornerujussuaq ajoqutaavoq.

Kommunit innarluutilittaminnut sullissiniarneranni oqilisaataasinnaasumik Ilaqutariinnermut pisortaqarfimmi qinnutigineqarsinnaasunik aningaasanik peqarpoq, inissanilli sullissinissamut atugassanik kommunit peqartariaqarput.

Innarluutilinnut tulluarsakkanik Kommunit iniissiaateqanngippata, Namminersornerullutik oqartussanit aningaasanik taperneqarsinnaaneq ajornakusoorpoq.

Naalakkersuisoq Tommy Marø ima oqarpoq:

- oqaatigisinnaanngilara aningaasanik qinnuteqarsinnaaneq ajornakusoortartoq, malittarisassammi malillugit sulisussaavugut, kommunillu naammassiniartussaavaat innarluutilimmut sullissisinnaanini naammassisinnaallugu uppernassassallugu. Tommy Marø oqarpoq nangillunilu:

-Nassuerutigisariaqarparput innarluutilerujussuit 100-nik sinneqartut nunatta avataani inissisimaneri, apeqqutaaginnarporlu naalakkersuisut inatsisartunilu ilaasortat innarlluutilittatsinnik angerlarartitsinissamut qanoq piumassuseqartiginersut.

Taama oqarpoq Tommy Marø. Qaqortumi innarluutilinnut inissianik sanasoqalerpoq, taakkualu siusinnerpaamik 2007-mi naammassineqarsimassapput.