Malittarisassaq nutaaq

Kiffartuussinermut malittarisassamik taaneqarsinnaasoq EU-p ippassaq unnukkut akuersissutigaa.

Europap iluani suliffissarsiorsinnaaneq taamaalilluni ajornannginnerulersoq oqarsinnaanngorpugut.

Kiffartuussinermik suliallit nunani EU-mut ilaasortani piumagunik maanna sulisinnaanngorput.

Portugalimi nujaleriffiutilik Finlandimut soorlu nuussinnaanngorpoq, tamaanilu nujaleriffimmik aallartitsilluni. Eqqartuussissuserisoq sloveniamiu Danmarkimi allaffittaarsinnaassaaq – danskerlu aamma killormut pisinnaassalluni.

Unammilleqatigiinnerunissaq - atuisullu akitigut taamaalillutik apparsaavigineqarnissaat – kiffartuussinermut malittarisassaliornikkut anguniarneqarpoq.

Malittarisassaliaq nunanit Europap kangianeersunit pingaartumik akerlerineqaraluarpoq, naggataagulli akuersissutigineqarluni.

Taama isumaqatigiittoqarsinnaanera ajugaanerujussuartut EU-mit isigineqarpoq. Ataatsimiititaliaq siunnersuisoqatigiillu inernermik naammagisimaarinnillutik oqarput.