Malissuit nipaat

Californiami illoqarfimmi Pasadenami Amerikamiut ilisimatuut Jet Propulsion Laboratory-mi misissuisartut nunap sajuppillattarneranut uuttuutit atorlugit paasisat qaammataasat atorlugit uuttukkanut akulerunnerisigut nunarsuup qanngulunnera uuttorsimagaat, atuagassiami Ingeniørenimi allaaserineqarpoq.

Nipit Atlantikup imartaani kilometerinik marlunnik ititigisumi uuttorneqarsimapput. Malissuit aporaangata, pattagiarsuup siggartaataatullusooq, nipip maligaasai napasuliatut ilillutik, avatangiisiminni pissutsit iluatsikkaangamikkit, imminnut sakkortusiartortittarput. Nipit sajuppilunnerat Amerikap Avannarliup, Kalaallit Nunaata Europallu sineriaasa avataanni immap naqqani uttorneqarsinaapput.

Nipit qanoq ilillutik pinngortarnersut nunap sajuttarneranik uuttuisartut ukiorpassuarni eqqoriaqattaartarsimavaat. Eqqoriaasut ilaannit ulloriarsuaq Marsi nunarsuatsinnut qanilligaangat nippatsitsisartutut pasineqaraluarpoq.

Manerassuup itinerujussua pissutaalluni malissuit nipaat Atlantikutulli imminnut sakkortusarsinnaasanngillat.