Malik Berthelsen: Meeqqat atuarfiat ataqqineqarnerusariaqarpoq
![](/sites/default/files/styles/image_934x467/public/article_images/ny_vej_vvm_kangerlussuaq_ole_still.jpg?itok=V37dQxmK)
Tamanna isumaginninnikkut suliani, taassuma qineqqusaarutigisaani atuuppoq, aammali sanaartornissamik suliani.
- Unammillernarnerpaatut isumaqarfigisara tassaavoq, politikikkut anguniakkatta kissaatigisatsitut sukkatigisumik ingerlasinnaaneq ajorneri. Soorlu assersuutigalugu sanaartugassanut aningaasaliinitsinniit sanaartukkap aallartinnissaanut piffissarujussuaq ingerlasarpoq, Qeqqata Kommuniani borgmesteri, Malik Berthelsen taama oqarpoq.
AAMMA ATUARUK Kommunimut qinersineq: Avannaata Kommuniani qinigassanngortittut
Tamannalu iluarsiniarlugu kommuni suliaqarpoq. Kommunip suliassiissutigisaminnik suliarinnikkumasut sukkanerusumik akissuteqarfigineqartarnissaat sulissutigaa. Tamatumunnga atatillugu teknikkimut immikkoortoqarfimmi amerlanerusunik, kommunip suliassaataannik suliarinnikkumasunut akissuteqarnissamik suliaqartussanik, atorfinitsitsisimavoq.
Sulisoqarnerulernerli akisuvoq, kommuunilu akissaqarumalluni pingaarnersiuisariaqartarpoq.
- Taava allatut ajornartumik sanaartugassanut aningaasaliissutigut imaluunniit nutaamik pilersinniakkanut aningaasaliissutigut appartittariaqartarpagut. Tassa sanaartugassanit aasarpagut.
Meeqqat atuarfiat tamanit ataqqineqarnerusariaqarpoq
Pilersaarutilli pivisunngortinniarnerisa sivisusarneri sanaartornerinnarmi misilliutaanngillat.
Qeqqata Kommunia isumaginninnikkut suliat, pingaanermillu meeqqat inuusuttullu qinersivimmi naalersumi ukkatarai.
Malik Berthelsenilli suliat ilungersunartuusut nassueruitigaa.
- Ilaqutariinnut tunngasuni meeqqat angerlarsimaffiup avataanut inissinneqartartut imaluunniit peqqinnarnerusumik inuuneqalernissatsinnut anguniagarput imaaliallaannarlugu angusinnaanngikkipput nalunngilarput. Anguniakkagullu angussagutsigit innuttaasut pissusilersuutiminnik allanngortitseqataanissaat tamatumani pinngitsoorneqarsinnaanngila.
Suliarli taamaakkaluartoq, Malik berthelsenip qinigaaqqissaguni nanginniarpaa.
AAMMA ATUARUK Ane Hansen: Meeqqat inuusuttullu kommunitsinni pinerluttartut amerlavallaaqaat
Inuiaqatigiillu atuarfimmut ataqqinninnerulernisssatsinnik suliniutini aallartiffigissavaa.
- Meerartatta siunissami meerartatta siunissami inuuneqarnissaannut pingaaruteqarnerpaaq. Meeqqammi atuarfii ingerlalluarpata, taava siunissami kinguaariit tullii ingerlalluartut pilersissinnaagivut qularinagulu upperaara.