Malerujussuaqarnissaa aarleqqutigineqarpoq
Japanimi nunap sakkortuumik sajunnera, 7,4 richterskalamik uuttorneqartoq, tsunameqarsinnaaneranik aarlerisaarititsivoq.
decembarip 21-at 2010 14:51
USA-p geologiimut kiffartuussisua naapertorlugu nunap sajunnera Boninip qeqertaasa kujataanni aallaveqarpoq.
Tsunami angisuujunngitsoq sequtseringaatsiassanngitsorlu USA-p geologiimut kiffartuussisua oqarpoq, nunalli sajunneri taamattut ilaanni tsunaminik nunap sajunnerata aallaavianit 100 kilometerisut isorartutigisumut sequtseringaatsiarsinnaasunik pilersitsisinnaasartoq.
Boninip qeqertaasa ungasissumiittut kangiani Chichi-shimami nuna sajuppoq.
