Mahmoud Ahmadinejadip tullersortimi qullersaat soraarsippaa
Iranimi præsidentip, Mahmoud Ahmadinejadip, præsidentimut tullersortimi aqqaneq-marluk qullersaat soraarsittariaqarsimavaa. Tamanna pivoq, præsidentimut tullersortip ivertinneraniit sapaatip akunnerinnaa qaangiuttorlu.
Rahim Mashai nunap naalakkersuisuini qullersani palasiusuniinnikuunngilaq. Siusinnerusukkut piorsarsimassutsimut ministeriunermini oqarsimavoq, Iranip kikkut tamaasa kammagigai - aamma israeilimiut.
Iran taamaassanngilaq, Iranimi qullersaq, ayatollah Khamenei, isumaqarpoq, taamaammallu præsident Mahmoud Ahmadinejad qinnuigisimavaa tullersortimi qullersaat soraarseqqullugu, tassalu taama ullumi pisoqarpoq.