Mafiamiut 40-t ujaarineqartut
'Ndrangheta-p mafiaaneersut ujaarineqarput, katillugillu 40-t ujaarineqarlutik.
Allattoq Mads Lynge
Inuit arfinillit Tysklandimi sapaatip akunneri marluk matuma siornatigut toqutaapput, inuillu 40-t Italiami unnerluussisuutitaasunit ujaarineqalerlutik.
Ujaarineqartut mafiaminngaanneersuunerarneqarput, Italiallu kujasinnerusortaani Calabriameersuunerarneqarlutik. ’Ndrangheta-p mafiaaniinnerarneqarput.
Italiamiut nutaarsiassaqartitsiviat ANSA tusarliussivoq.
’Ndrangheta-p iluani immikkoortukkuutaat aaqiaginngissuteqarnerat pissutaalluni inuit arfinillit toqutaasimassasut Italiami oqartussat ilimagaat.
’Ndrangheta-p siuttua ujaarineqartunut ilaavoq.