Mads Lidegaard toquvoq
Allattoq Mads Lynge
Atuakkiortoq, teologi, højskolemilu ilinniartitsisuusimasoq Mads Lidegaard, sivikitsumik napparsimareerluni 81-inik ukioqarluni ippassaq toquvoq.
Mads Lidegaard inuiaqatigiinni oqalliseqataasartuusimavoq atuakkiarpassuaqarlunilu; atuakkiat nunatta oqaluttuarisaaneranut pingaarutillit, soorluttaaq Danmarkimut pingaaruteqarsimatut.
Mads Lidegaard 2004-mi Namminersornerullutik Oqartussanit nersornaaserneqarpoq.
Mads Lidegaard Danmarkimi Organisation til Oplysning om Atomkraft-imik, OOA-mik aallarneeqataasuuvoq, soorluttaaq Mellemfolkeligt Samvirkemi siulittaasup tulliattut inissisimasimalluni.