Mads Andersen arsallammattut toqqarneqarpoq

Angutit inersimasut isikkamik arsaallutik nunatsinni pissartanngorniunnerat arfininngormat naammassineqarpoq, arsallammammillu toqqaasoqarpoq.
aggustip 17-at 2009 06:43

Toqqarneqartoq tassaavoq Mads Andersen G-44 Qeqertarsuarmeersoq. Kalaallit Nunaanni Isikkamik Arsaattartut Kattuffianni siulittaasoq Lars Lundblad, Mads Andersenip arsallammattut toqqarneqarnera pillugu ima oqarpoq:

- Maasip arsariaaserivaa arsaattarfik tamaat atortaramiuk. Akeqqat saassussippata utertarpoq, tunuani aqutsisunngortarluni. Saassussisoqaleraangallu nammineq peqataasarluni. Arsaattartoqatini piumassuseqalersittarpai, ilani sunnertaramigit arsallaqqissorujussuuvoq, taavalu ilaminik aamma qiimmassaasuusarluni. Toqqarneranut pissutaasut pingaarnersaat taannaagunarpoq, Kalaallit Nunaanni Isikkamik Arsaattartut Kattuffianni siulittaasoq Lars Lundblad oqarpoq.

Arsallammattut toqqarneqartup saniatigut teknikkiginnerpaamik aamma toqqaasoqarpoq, Malik Jeremiassen, KB-84 Kangaatsiameersoq, teknikkiginnerpaatut toqqarnerami.

Akiuutillaqqinnerpaamik aamma toqqaasoqarpoq, Zakorat Zeeb, G-44 Qeqertarsuarmeersoq akiuutillaqqinnerpaatut toqqarneqarami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq