Maarmorilimmi aatsitassanik piiaasoqalernissaa ilimanarsivoq

Maarmorilimmi aqerlussamik zink-imillu piiaasoqaqqilernissaa ilimanarsivoq. Aatsitassanut Ikummatissanullu Pisortaqarfik nalunaarpoq
Allattoq Jaaku Lyberth
januaarip 12-at 2008 13:25

Canadamiut aatsitassarsiorfiutileqatigiiffiata Angus & Ross Plcip naatsorsuinerat misissuinerallu naammassineqangajalerput, taakkulu takutikkumaarpaat Maarmorilimmi aatsitassarsiorluni ammaaqqinnissaq ilumut imminut akilersinnaassanersoq.

Maarmorilimmi aatsitassamik piaaneq 1990-ikkut naalerneranni unitsinneqarpoq.

Marmoriliup ammaqqinniarneqarnerata saniatigut ilisimatitsissutigineqarpoq Marmorilimmiit ilorpasinnerusumi South Lake Glacier-imik taaguuteqartinneqartumi aqerlussaqarfimmik zinkeqarfimmillu qalluiffigineqarsinnaasumik allamik aamma nassaartoqarsimasoq Aatsitassanut Ikummatissanullu pisortaqarfik tusagassiuutinut nalunaaruteqarnermini allappoq.

Kalaallit Nunaat tamaat isigalugu aatsitassanik ujarlerneq aatsaat taama annertutigilerpoq. Aatsitassanik ujarlernernut akuersissutit ukiormanna 77-iupput siornaamut naleqqiullugit marloriaammik amerleriarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq