"Maajimi peqqissuusa" peqataalluarfigaat

Peqqinnerunissaq anguniarlugu timersoqatigiinnermik aaqqissuussineq ”Maajimi peqqissuusa”-mik taasaq peqataasoqangaarmat aaqqissuisunit tupaallaatigineqarpoq.
Allattoq Najaaraq Egede
maajip 08-at 2008 17:20

Timersoqatigiittarnissani assigiinngitsuni 44-uusuni anguniakkatut siunniunneqarpoq inuit 5.000-it peqataanissaat.

Siorna sapaatip-akunnera 18-mut atatillugu timersuutinik unammiaarnissamik isumassarsiaq pinngorsimavoq piviusunngorlunilu.

Aaqqissuisuusut Pikkori Sport-imi sulisut ukioq manna naluttarfik Malik, majuartaat, Fit and fun, arpattartoqatigiit NAAPE piumassutsiminnillu suleqataasut peqatigalugit aaqqissuipput.

Aasianni siullermeerlutik aaqqissuisut unnersiorput, peqataasoqarluartoq. Unnia arnat angutiniit peqqinnerorusuttut.

Aaqqissuisut anguniagassatut siunniuppaat sapaatip-akunnerata 18-ip imigassartorfiujunnaavissinnaanissaa.

Nuummi maajimi timersoqatigiinnissanik aaqqissuussineq mini triathlon-imik qaammat naappat naggaserneqassasoq pilersaarutaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq