Mærsk uuliakoorpallaarpoq
Uuliakoortoqarnissaanut inatsisip eqquutsinnissaa umiarsuaatileqatigiiffiup A.P.Møller-Mærskip uuliaqarfimmi, Tyra Øst-feltimi qillerivimmini siorna ajornartorsiutigisorujussuuaa. Avatangiisinut Aqutsisoqarfiup nalunaarusiaa misissuataareerlugu, Atuagassiap Ingeniørip nittartagaani tamanna allaaserineqarpoq.
Allattoq Carla Davidsen
Qaammatini aqqaneq-marluusunit arfineq-pingasuni Mærskip qillerivia imaanut annertuumik uuliakoorsimavoq.
Uuliakoorpallaarsimasunit allanit 14-init, aqutsisoqarfiup nalunaarsorsimasaanit, affai sinnerlugit, Mærsk uuliakoorpallaarsimavoq.
Qillerivimmili tassanerpiaq Mærsk pernarluni uuliakuunngilaq.Tyra Øst-feltimi 2006-imili 18-eriarluni unioqqutitsisimavoq, tassa uuliakoornerpaanut akuulluni.
Mærsk Oil Nunatsinni uuliasiornissaminut neqeroorfiginereersimagaluarpoq, tamannali suli atunngilaa.