Lynge: Sanaartornermut amerlanerusunik aningaasaliisoqarli
Sanaartornerup iluani suliffeqarfiit mikisut akunnattumillu angissusillit suliassaqannginnertik pissutigalugu matusariaqarnissaat Gerth B. Lyngep annilaangassutigaa, tamannalu tunngativigalugu Nusukap ukiuunerani suliarineqarsinnaasunik aallartisaasoqarnissaanik kajumissaarivoq.
Piiaavinnik suliffissuaqarnermi suliffissat taamarsuaq sammineqarneri Nusukap tungaanit paasiuminaatsinneqarpoq. Suliaqarfimmimmi tassani ukiorpassuit qaangiuppata aatsaat suliffinnik aallartitsisoqassaaq, taamanikkussamullu suliffissaleqisut naatsorsorneqartarnerini malunniukkumaarlutik.
-Suliassat suliffissaaleqinermik qaffakkiartorunnaarsitsisinnaasut appariartortitsisinnaasullu samminiartigik. Peqatigitillugu aamma kajumissaarutigissavarput aalisakkanik suliffissuaqarnerup iluani suliffinnik ataavartunik pilersitsisoqarnissaanut suliniutinik piaartumik aallartitsisoqassasoq. Suliaqarfinni taakkunani suliffinnik ataavartunik pilersitsinissaq piaartumik sammisariaqarparput, Gerth B. Lynge siunnersuuteqarpoq.
