Lykketoft siulittaasunngorpoq
Tamanna ullup qeqqata siuninngua unammillerteqarani Folketingemit tamarmit isumaqatigiittumit akuersissutigineqarpoq.
Toqqaanerli utaqqiisaannaavoq. Folketingip ukiua nutaaq inatsisit tunngaviusut naapertorlugit marlunngorpat aallartinneqarpat aatsaat pisortatigoortumik qinersisoqassaaq, kisiannili aamma ilimagineqarpoq Mogens Lykketoft siulittaasunngoqqikkumaartoq.
Socialdemokraatit, Radikalet kiisalu SF-it siuttui, folketingimi ataatsimiinnermi najuupput, naalakkersuisunngortitsiniarnermilu toqqammavissat pillugit isumaqatigiinniarnerit taamaalillutik unitsinneqarallarput.
Taamaattoqarneralumi ullorpaalunngortuni ingerlavoq, partiilli siuttuisa pingasuusut naalakkersuisunngortitsiniarluni isumaqatigiinniarnerit pillugit oqaaseqarumanngikkallarput.