Lykketoft: Kalaallit piginnittussaatitaaginnarnissaat Danmarkip isumagisariaqarpaa

Qalasersuarmik pilerngunneq aallartereerpoq. Kalaallit pigeriigaannut piginnittussaatitaaginnarnissaq Danmarkip isumagisariaqarpaa, taama oqarpoq nunanut allanut ministeriusimasoq Mogens Lykketoft.

-Qalasersuup imartaanik russit maanna soqutiginninnerat annertusisimatillugu pingaartumik pisuussutinik uumaatsunik imartap toqqortaqarneranik manna ilimasuttoqartillugu - piaanissarlu teknologi nutaaliaasoq atorlugu ajornannginnerulersimatillugu, danskit naalakkersuisuisa imartamik piginnittussaatitaanermut pisinnaatitaaffigut eqqumaffigeqqissaartariaqarpaat, Mogens Lykketoft taama ullaaq taama oqarpoq.

-Ataatsimiitsitaliap piginnittussaatitaanermut tunngasumik aalajangiisussap aalajangiiniarnerani, Kalaallit pigeriigaat kalaallinit pigiinnarneqarnissaa Danmarkip sulissutigisariaqarpaa, taamaammat nukiit tassunga atortussat annertusineqassapput, pilerngunneq erseqqissoq russinit aallartinneqareerpoq, Mogens Lykketoft oqarpoq.

Danmarki Qalersuup imartaata naqqanik pilerngunnermi maannakkornit ersarinnerusumik iliuuseqartariaqannginnersoq, Mogens Lykketoft aperineqarluni akivoq:

-Qalasersuup imartaata naqqanukassanersugut akisinnaanngilara, Mogens Lykketoft illariarluni akivoq.

- Pappialalli immap naqqata sananeqaataanut tunngassuteqartut uppernarluartut piginnittussaatitaanermik agguaasussamut ataatsimiitsitaliamut saqqummiunnissaat pingaaruteqarluinnarpoq, taama Mogens Lykketoft naggasiivoq.

Danskit naalakkersuisuisa 2002-miit 2014-imut aningaasat 300 millioni koruunit tungaannut amerlatigisut immap naqqinik misissueqqissaarnissamut atorneqartussat illikartissallugit pilersaarutigaat.