Lykketoft: Danmark pimoorussinerusariaqarpoq
Issittup imartaani misissuinermi Danmark pimoorussinerusariaqarpoq, immap naqqani Lomonosovip quassugaata eqqaani Danmarkip oqartussaanera uppernarsarneqarniassammat.
Allattoq Elisa Isaksen
Taama isumaqarpoq Socialdemokratit nunanut allanut oqaaseqartartuat Mogens Lykketoft.
Russit umiarsuarmik misissuiartortumik Issittup imartaanukartitsipput, immap naqqata nunavimmut atasortaata Ruslandimut killinga paasisaqarfiginiassagamikku.
- Danmarkip piumasai erseqqissarneqassappata, annerusumik misissuisoqarnissaa pisariaqartinneqarpoq, Mogens Lykketoft DR-imut oqarpoq.
Immap naqqani Lomonosovip quassugaata Nunatta nunavittaanut atanera, Danmarkip kingusinnerpaamik 2014-imi Naalagaaffiit Peqatigiit ataatsimiititaliaanut uppernarsartussaavaa.