Lyberth Londonimiittoq
Kattuffik aningaasarsiornissamik siunertaqanngitsoq aalisartunit, tunisassiortunit, aalisarnikkut kattuffinnit, tuniniaasartutut ingerlatseqatigiiffinnit biologinillu peqataaffigineqarpoq. Lyberthip oqalugiarnermini erseqqissaatigaa raajarniarneq kalaallit aningaasaqarniarnerannut pingaaruteqartorujussuusoq, nunanut allanut nioqquteqartarnermi isertitsissutaasatut amerlanersaat tassanngaaneermata. Ilaatigut ukiuni kingullerni marlussunni biologit pisassiissutissatut inassutigisartagaasa ajoraluartumik ikiliorternerisa kingunerisaanik.
Tassungalu atatillugu Karl Lyberthip aamma Kitaani raajarniarnermi pisat 2013-ip aallartinnerani MSC-mik nalunaaqqutsersorneqartalersimanerat oqaluttuaraa, tamannalu pitsaasup tungaanut alloriarnerusoq, aamma erseqqissarpaa taamatut aalisarneq akisussaassuseqartumik tamanillu malinnaaffigineqarsinnaasumik ingerlanneqartoq.