Lyberth Immanuelsenilu Illoqqortoormiuni aliikkusersuilersut
Tallimanngorpat unnukkut timersortarfimmi taallialerisoqarlunilu nipilersortoqassaaq. Juaaka taalliaminik siornalu atuakkamik saqqummersitaminit atuaassaaq. Unnussiuaarneq Leif Immanuelsen peqatigalugu nipilersornermik akunniliiffigineqartassaaq.
Ullunilu tulliuttuni atuarfik, utoqqaat illuat meeqqerivillu aamma nipilersoriartorfigineqassapput.
Aamma atuaruk Juaaka atuakkiortut peqatigiiffianni siulittaasunngorpoq
Kiisalu inuusuttunik pikkorissaasoqassaaq - aliikkusersuineq kulturilerinerlu sammineqassallutik. Illoqqortoormiunut tikeraarnerat inuusuttut klubbianni Umimmammi oqalugiarnermik aliikkusersuinermillu unnussiuaaqatigiinnermik naggaserneqassaaq.
Juaaka Lyberthip Leif Saandvig Immanuelsenillu angalanerat Nuna Fondimit, Tips- og Lottomit Sermeq Fondimillu aningaasaliiffigineqarpoq, ullunilu februaarip 11-anit 25-anut ingerlanneqassalluni, silaannakkut aqqutit apeqqutaatillugit.
