Louise Hegelundip toqutaanerata kingorna suliaq naammassilerpoq
HTX-imi ilinniagaqartup, 29-nik ukiullip, Louise Hegelundip, toqutaaneraniit ukiup aappaa avillugu qaangiuppoq. Suliassarlu kiisami naammassiniarneqalerpoq, Sisimiuni eqqartuussivikkoortinneqassalluni.
Allattoq Louise M. Kleemann
septembarip 18-at 2008 10:46
Angut inuusuttoq 20-nik ukiulik toqutsinermut Sisimiuni eqqartuussivimmi akisussaatinneqartussanngorpoq.
Eqqartuussutissamik marlunngorpat aalajangiiniartoqassaaq, Politimestereqarfimmeersorlu Henrik Pass aviisimut Sermitsiamut ilisimatitsivoq, ilisimannittunik aallaqqaammut aggersaasinnaanatik, teknikkikkulli assigiinngitsunik uppernarsaatissaqaramik taakku atorniaritik.
Louise Hegelund Sisimiuni kollegiami najugaqarfimmini toqungasoq nassaarineqarpoq.
Toqutsiffimmi angutip ilisarnaatitut sananeqaataanik takussutissamik, DNA-mik, politiit qaammatit marluk qaangiuttullu nassaarput, 19-inillu ukiulik siorna tigusarineqarpoq, toqutsisimasutullu unnerluutigineqarluni.
