Assi: Privat

Suleqatigiissitsisut: Louis Sigurdsen

Partii: Suleqatigiissitsisut 

Ukiut: 30-t

Ilinniagaq/suliffik: Teolig-itut naammassinikoq. Partiimi allatsi, Suleqatigiissitsisut.

Inuttut inissisimaneq (ilaquttat/qitornat): Katinnikoq, meeqqat marluk pingajussaallu naartuuvoq.

Sunngiffimmi soqutigisat: Filmit, erinarsorneq kitaarernerlu, atuakkat kalaallisuut, qalunaatuut tuluttuullu. Ilaquttat ilagalugit, Manchester United-ilu isiginnaarlugu.

Folketingimut qinigaassaguit pingaarnertut sulissutigerusutatit pingasut suuppat? 
Peqqinnissaqarfik. Naalagaaffeqqatigiinnermi innuttaasutut pisinnaatitaaffigaarput peqqinnisaqarfik isumannaatsoq. Danmarkimi nunanilu avannarlerni napparsimmaviit amerlanerusunik isumaqatigiisssuteqarfiginissaat anguniarparput sulisunik pissarniarnissaq AAMMA taakku atatiinnarniissaat tamaviaarluta sulissutiginiarlugu. Danmark suleqatigalugu susassaqarfik pitsanngorsartariaqarparput. 

Pinerluttunik isumaginnittoqarfiup pitsanngorsarnissaa: Aningaasaqarnikkut inuiaqatigiinnullu ilanngussiteqqinnikkut. Isertitsivinnut isertitanik inuiaqatigiinnut ilanngussiteqqinnermut suliassanik nunap immikkoortuini tamani suliarinnittussaqarnissap qularnaarnissaa. Pinerluttunik isumaginnittoqarfimmi sinaakkutit akissarsiarititaasullu nalitsinnut naleqquttut qularnaassavavut. Kanngunarsaasimasunut aamma neqerooruteqartariaqarpugut neqerooruteqartussaallutalu, kanngunarsaasimasunullu inuusuttunut pinaveersaartitsinermik neqerooruteqartariaqarpugut, kinguaassisuutitigut innarliisarnermik nalaataqartuarnerput illuanut saatinniarlugu. Tassa isumatusaarneq.  

Nunanut allanut tunngasunut politikki sakkortunerusoq. Illersornikkut suleqatigisatta Naalagaaffeqatigiinnerullu iluani nunat allamiut naalagaaffiisa unammillernartuliorneri, soorlu Kinap Ruslandillu, pillugit suleqatigiinissaat. Qarasaasiakkut isumannaatsuunissaq eqqarsaatigalugu aamma imartatta nakkutiginerat, namminersortuunerup atuutsinnissaa aamma nunakkut, immakkut silaannakkullu nakkutilliineq. USAmik suleqateqarnissaq pissusissamisoorpoq. 

Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?  
Utoqqasaarpassuit Danmarkimut nuuttarput soraarnerussutisiatik naleqarnerummata pitsaanerullutillu. Folketingimut qinigaassagutta soraarnerussutisiat assigiinngitsut pillugit ilitsersuutisiornissaq qularnaarniarparput, taakkumi ukiorpassuanngortuni Kalaallit Nunaanni politikkikkut allanngoraqisumik ingerlatsinermit sunnerneqarsimammata. 

Taamatuttaaq sulissutiginiarparput innuttaaqataasut napparsimanermik, innarluuteqarnermik assigisaannillu peqquteqarlutiik Danmarkimut nuuuttut oqaatsitsinnut, kulturitsinnut kalaaleqatitsinnullu attaveqarnerisa attatiinnarnissaat sulissutiginiarparput, Danmarkimi peqatigiiffiit suliniutillu uagutsinnit ataatsimoorfiusut tapersersornerisigut. 

Aamma sulissutiginiarparput PTSD-mik inatsisiliorneq Kalaallit Nunaannut atuutilissasoq. Soorunamilu aamma sulianut tunngasunik ilisimasallit, tarnip pissusiinik ilisimasallit, perorsaasut assigisaallu inersimasunik meeqqanillu sullissisussat Kalaallit Nunaannut pissarsiarinissaat sulissutiginiarparput. 

Folketingimut qinigaassaguit statsministerissatut sassartoq sorleq tapersersussaviuk? 
Ilaasortat Atlantikup avannaamiut aalajangiisuussappata qinersinerup kingornatigut isumaqatigiinniarnerit aalajangiisuutissavavut. Pituttorsimanianngilagut, Kalaallillu Nunaannut pitsaanerpaamik angusaqarnissaq sulissutiginiarparput. 

Piumasaqaatitta ilagissavaat Kalaallit Nunaanniit Folketingimi ilaasortaatitat marluk Folketingip Nunanut allanut tunngasunut Ataatsimiittartuinut aamma Isumannaallisaanermut tunngasunut Folketingip Ataatsimiittartuinut ilaasortaassasut. 

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput