Londonimi OL-ertoqarnissaa soqutigineqaqaaq
OL-eqarnissami aaqqissuussisut bilitsit 6,6 milliuunit aappaagu marsimi tuninialertussaavaat, bilitsinillu inniminneereersut taama amerlatiginerat isiginnaariaqarluarnissamut takussutissaavoq.
Bilitsit taama amerlatigisut tuniniarneqalerpata ajornartorsiulertoqarnissaa, OL komitep siulitttaasuanit Paul Deightonimit neriuutigineqanngilaq.
- Bilitsinik marsimi tuniniaalerutta ajornartorsiuteqannginnissaq pingaaruteqarpoq, aaqqissuisut aqutsisuat oqarpoq, nangillunilu:
- Inuit 2 millionit soqutiginnillutik nalunaareerput, marsimilu 2,5 millioninngorsimanissaat ilimagisinnaavarput, tuniniaanissamullu periutsit qarasaasiamut nuussavavut, Paul Deighton oqarpoq.
Soqutiginnittut taama amerlatiginerat taanna aamma upperiuminaatsippaa.
Bilitsit tuniniarneqartut akisunnersaat 20 pundinik akeqarpoq, koruuninngorlugu 175 koruunit. Akisunersaat 725 pundinik akeqarpoq, tassalu 6370 koruuneqassalluni.
Isissutissanut bilitsit akisunersaanni, takuneqarsinnaajumaarput, arpattartut 100 meterimut sukkaniullutik unamminerat.
Bilitsit 1,3 millionit akikillillugit meeqqanut utoqqalinersiutilinnullu tuniniarneqassapput.
