Liz Truss tuluit siulittaasussaatut qinerneqartoq

Liz Truss konservativit partiianni siulittaasutut toqqarneqarpoq, taamaalillunilu Tuluit Nunaanni ministeriunerulissalluni.

Konservative Partiiani taasinerit inerneri taama takussutissiipput.

Truss nunanut allanut tunngasunut ministeriusoq 57,4 procentinit taaguunneqarpoq, taassumalu unammillertaa, Rishi Sunak 42,6 procentinit taaguuneqarluni.

Taasinermi ilaasortat 141.725-t taasipput.

Trussip taasinermi taaguunneqarnerpaasimanerminik Westminsterimi naalakkersuisoqarfiup ataatsimiittarfiani  qujassuteqarnermini partiip 2019-imi neriorsuutigisai tamarmik piviusunngortinniarlugit oqaatigaa.

Tamatuma saniatigut qujassuteqarpoq ”ikinngutiga Boris Johnson” ministeriunerusimasullu naalakkersuisut siulittaasuatut ”suliaqangaatsiarsimasutut” erseqqissaatigalugu.

47-nik ukiullip tuluit nukissiuuteqarnermik ilungersuuteqarnerat erngertumik sulissuteqarfiginiarlugu tuluillu innaallagiamut nukissiuutinullu aningaasartuutaanut atatillugu isumaqatigiinninniarniarluni oqaatigalugu.

Innaallagissamut akit 80 procentimik qaffattut

Tuluit illoqutigiit innaallagiamut gassimullu akiliutigisartagaat agguaqatigiissillugu 80 procentimik qaffapput. Taamaammat tuluppassuit nunaminni naalakkersuisut innuttaasunut ikiuiniarlutik suliniuteqarnissaannik kaammattuuteqarput.

Tuluit siulittaasortaavata atuuffik ministeriunermit Johnsonimit marlunngornermi nangissavaa. Taassuma tuluit aningaasarsiornerisa ingerlanerliornera pillugu "pilersaarusiornermik" saqqummiussiniarluni neriorsuutigaa, tamannami pillugu amerlasuut aningaasaqarnerminnik ilungersuuteqarput tamatumalu saniatigut suliffeqarnermi eqqissiviilliornermik kinguneqarluni.

AAMMA ATUARUK Boris Johnson partiimini siulittaasutut ministeriunertullu tunuartoq

Trussip siulittaasunngornermini konservative partiimi qinersinerup nalaani avissaartuuffiungaatsartoq aamma aaqqiiviginiartussaavaa.

- Maanna ukiut marlunngungajalersut ingerlareerneranni tunniussaqarsinnaalluta takutissavarput, taanna oqarpoq, taassumalu akileraarutit appasissut aningaasaqarnikkullu ineriartorneq oqaatigeqqillugit.