Litauen arnamik præsidenteqalerpoq

Siornatigut EU-mi aningaasanik pilersaarusiornermut pisortaq Dalia Grybauskaite, Litauenimi aningaasarsiornikkut ajornartorsioqisumi, ullumikkut præsidentitut ivertinneqarpoq.
Allattoq Elisa Isaksen
juulip 12-at 2009 16:57

53-inik ukiulik Grybauskaite præsidentimut maajimi qinersinermi ajugaarujussuarpoq, maannalu 82-inik ukiulik Valdis Adamkus ukiuni tallimani præsidentioreerluni tunuartoq taarserpaa.

Arnaq taanna "pissaaneqartutut" tusaamasaavoq, isertuaatsumillu isummersortarluni. Taassuma oqaatigereerpaa, naalakkersuinikkut suliaqarnermini, arnaq pissaanilittut taaneqartartoq, siornatigut Tuluit ministeriunerat Margaret Thatcher nuannaartorisarigini.

Grybauskaite, attaviitsutut qinigassanngortittoq, Litauenimi naalakkersuisuutitaqartunit talerperliunianit qiterliusunit tapersersorneqarpoq, maannalu Litauenimi 3,3 millioninik inulimmi, Sovjetunioniusimasumillu ajutuulersumit 1990-imi anilluni namminersortunngortumi, arnanit siullersaalluni præsidentinngorluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq