Lidegaardip Kerry oqaloqatiginiaraa

Pituffimmi kiffartuussinissamut isumaqatigiissutip isumaqatigiinniutigineqarnera naammassiartulerpoq, Kalaallit Nunaata taaserfigineqarnissaata qulakkeerneqarnissaa pillugu aallartitat ilungersorput.

Pituffimmi kiffartuussinissamik isumaqatigiissut  allanngortinneqassanersoq imaluunniit allatut aaqqiisoqassanersoq erseqqissumik paasinarsinngilaq.

Kalaallit danskillu aallartitaat aaqqiissutissamik nassaarniarlutik ulluni makkunani sulipput,  Kalaallit Nunaannut iluaqutaaniartussamik.

Aamma atuaruk Pituffik pillugu isumaqatigiissutip tunniunneqarnera amerikami naalakkersuisut akueraat

Danskit nunanut allanut tunngasunut ministeriata, Martin Lidegaardip, amerikamiut nunanut allanut tunngasunut ministeriat, John Kerry, ullumi tallimanngornermi oqaloqatiginissaanut periarfissaqarpoq.  

Martin Lidegaardi Danmarkimi TV-qarfimmut TV2.dk-imut oqaluttuarpoq John Kerry oqaloqateqatiginerani Pituffimmi kiffartuussinissamik isumaqatigiissut  oqaluuserineqarnissaa pissusissamisoortuusoq.

Kiffartuussinissamut isumaqatigiissut allanngortinneqarsinnaaneranut periarfissat marluk  sulissutigineqarput, tassa kiffartuussinissamut isumaqatigiissutip nutaamik suliarinnittusarsiuunneqassaa, periarfissallu aappaa tassaasoq Kalaallit Nunaat aningaasanik tunineqassassoq,  taarsiiffigineqarluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl