Libanonimi sakkuaakkunnaartoqassanngilaq
juulip 31-at 2006 07:40
Libanonimi ingerlaannartumik sakkuaakkunnaartoqarnissaa Israelip peqataaffigerusunngilaa, illersornissamut naalakkersuisoq, Amir Peretz, Israelimi Inatsisartut ullaaq manna ataatsimiinneranni taama nalunaaruteqarpoq.
- Sakkuaakkunnaarnissap taama tassanngaannartigisumik pinissaa akuerissanngilluinnarparput, Peretz oqarpoq.
Libanonip kujasissortaani silaannakkut nalunaaquttap akunnerini 48-ni saassussisoqannginnissaa Israelip akuersaareeraalu Peretz taama oqaaseqarpoq.
USA-p nunanut allanut ministeria, Condoleeza Rice, ullaaq manna oqarpoq, Libanonimi sapaatip akunnerani uani sakkuaattoqarunnaarnissaa anguneqarsinnaassasoq.
