Israelimiut qaartartumeerisaqattaarnerat pissutaalluni Libanon-imi pissutsit innuttaasunut qimaasunullu ajornartorsiortitsilivissorpoq.
Danskit FN-ip ataani qimaasunik ikiuiniaqatigiiffiani pisortaq Jens Berthelsen maannakkorpiaq Beirutimiittoq oqarpoq, ullormiit ullormut pissutsit ajorsigaluttuinnartut.
- Imissaqarniarneq ajorluinnalersimavoq aammalu innaallagiaqarata, Jens Berthelsen oqaluttuarpoq. Aamma nerisassaqarnikkut amigaateqaleriartorneq malunnartoq oqaluttuaraa.
Pilersaarutaasimagaluarpoq, nerisassat nakorsaatillu Libanon-ip kujasissuanut ingerlanneqarnissaat, lastbilerli uninngatiinnarneqarsimavoq.
Maannakkorpiaq danskit 70-it Libanon-ip kujasissuani qimarguinniipput.