Lene E.-p feriamik salliutitsinera nuannarineqanngeqaaq
EU-p iluani nunanut allanut ministerit ataasinngormat ataatsimiinnerat Danmarkimi nunanut allanut ministerip, Lene Espersenip, Italiami feeriarnissaminit pingaarnerutissimassagaluaraa, isumasiuinerup takutippaa.
juulip 29-at 2010 08:17
Avisimut Berlingske Tidendemut Gallupip misissuisitsinerani qallunaat 70 procentii taama isumaqarput.
Konservativit siulittaasuata feeriarnissani pissutigalugu ataatsimiinnissanut peqataasinnaanani ilisimatitsisarnera pissutigalugu nuannarineqarnera ukiup affaani kingullermi taamaalilluni annikillerujussuarpoq.
Nunat issittumi sineriallit Canadami marsip qaammataani ataatsimiinnissaannut peqataasinnaanani Lene Espersen ilisimatitsinngikkallarmat, nunanut allanut ministeritut suliassat siuarsarsinnaagai qallunaat 61 procentiisa qularutiginngikkaluarpaat, kisitsilli taanna 27 procentimut maanna appariarpoq.
