Lektori: Aleqa Hammond, ilungersunartorsiortoq, nammiliinivinnissaq pillugu oqallorissaarpoq.

USA-mi sinniissoqarfeqalernissaanik Naalakkersuisut siulittaasuata oqarnera aalassatsitsingaatsiarpoq, Københavnimilu isumasioqatigiittariaqarnermik tallimanngormat kinguneqarluni, tassanili erseqqissarneqarpoq naalakkersuinikkut nammineerussamik sinniisoqarfeqalernissaa pineqanngitsoq.

Lars Hovbakke Sørensenip, Københavnip Universitetiani avataaniit lektoriusup, Kalaallit Nunatsinnullu immikkut ilisimasaqartup, Namminersorlutik Oqartussat ersarissumik siusinnerukkut atassuteqarsimannginnerat uissuummissutigaa.

- Aleqa Hammond, taamaalillunilu partii Siumut, ilungersunartorsiortut tamassuma ersersippaa. Aatsitassat pillugit takorluukkat neriuutigisatut pisimanngitsut malunnarsivoq, taarsiullugulu namminiilivinnissaq pillugu oqallorissaarneq qaffaftsinneqarpoq, nunanullu allanut tunngasunut politikki ilungersuunneqalerluni. Tamanna nalilersorneqaqqittariaqarpoq, Lars Hovbakke Sørensen, aviisimit Kristeligt Dagbladimit apersorneqarluni oqarpoq.

Kalaallit Nunaannit salloqittaasimanerarneqarneq Kalaallit Nunaata Danmarkimi sinniisoqarfiani siunnersortip, sivisuumik ilisimatusarsimasup, Adam Wormip, ilumuunnginnerarpaa.

- Nunanut allanut tunngassuteqartunut politikkimut tunngatillugu, tamanna siunertaanngilluinnarpoq, Kristeligt Dagbladimut taanna oqarpoq.

Oqaaseq "sinniisoq" atoneqaraangat una pineqartarnerarpaa: Danmarkimi sinniisoq tassaassaaq KALAALEQ.

- Nalinginnaasumik oqariartaaseriinnarparput, Adam Worm aviisimut Kristeligt Dagbladimut oqarpoq.