Leif Fontaine: Upernavik Seafood kisermaassisutut pissusilersorpoq
Upernavik Seafood A/S ukiorpassuarni Upernaviup eqqaani qaleralinnik kisermaasissutut pissusilersorpoq, KNAPK-p siulittaasua Leif Fontaine taama isumaqarpoq.
Allattoq Mads Lynge
juulip 09-at 2009 16:46
- Kisermaasissuunertik attanniaannarlugu tuntisivinnik matooraapput pisoq taamatut nalilerpara, tamatumanilu Upernaviup eqqaani aalisartut isumaqatigilluinnarpakka, KNAPK-p siulittaasua Leif Fontaine, radioaviisimut oqarpoq.
Umiarsuup Rubinip takkunneratigut akitigut unammillerneq aalisartunit iluarisimaarneqartoq paasisimanerarpaa:
- Unammillertoqartillugu aalisartut pissarsiaat aatsaat qaffattarput. Qalerallit ataatsimut kiilumut 10 koruuneqartinneqarput, tamannalu aalisartunit iluarisimaarneqarpoq.
KNAPK, kattuffittut ajornartorsiutip aaqqinniarnissaanut akuliunniarlunimi:
- Tassalu naalakkersuinikkut apuussiffigaavut Upernavik Seafoodimi siulersuisut aamma naalakkersuisut, Leif Fontaine radioaviisimut oqarpoq.
