Leif Fontaine KNAPK-mi siulittaasunngorpoq
Raajat akiinik assortuunneq Kalaallit Nunaanni Aalisartut Piniartullu Kattuffiata, KNAPK-p, siulittaasortaavata Royal Greenlandimut aaqqiivigeqquniarpaa.
marsip 14-at 2009 13:57
KNAPK-p siulittaasua, Peter Olsen, KNAPK-p Ilulissani ataatsimiinnerani Leif Fontainip ippassaq uppitippaa, amerlanerussuteqarluarluni qinigaagami. Royal Greenlandimilu pisortaanerup tullia, Pâviâraq Heilmann, maanna ataatsimeeqatigilersaarpaa. Leif Fontain Sermitsiamut taama oqarpoq.
Raajat akiinik isumaqatigiinniarneq novembarimili ajalusoormat illuatungeriit assut isumaqatigiinngissimapput. Royal Greenlandip taamani neqeroorutigaa raajat kiilumut akii 45 oorimik akitsorneqassasut, KNAPK-lli piumasaraa raajat kiilumut akii 1 koruunimik akitsussasut.
Raajat akii KNAPK-p piumasaatut issanersut Leif Fontainip akuerissaneraa suli nalunarpoq.
