Lars Sørensen: Mitallerneqarpugut

-Allaat misigisimavugut inatsisartuniit naalakkersusuniillu mitallerneqartutut.

Paamiuni mittarfiliassap tungaanut aqquserniornissamut aappaagumut aningaasaliissutissaagaluit 10,5 millioner koruuniusut, Inatsisartut Aningaasanut Inatsisissaanniit peerneqarneri pillugit Paamiut kommuniata borgmesteria pakatsisimaqisoq Lars Sørensen oqarpoq.

-Sooruna assut pakatsinarpoq, tassami ukiut 15-it matuma siornagulli maani timmisartoqarfeqalernissaa aalajangerneqarpoq. Lars Søren oqarpoq. Taanna isumaqarpoq Royal Greenlandip Paamiuni suliffissuata aaqqinneqarneranut tunisassiornissaanullu atatillugu pinngitsoorani angallannikkut aaqqiisoqarnissaa pisariaqassasoq. Oqaatigaalu Inatsisartunut Naalakkersuisunullu taamaattoq saaffiginneqqittariaqassallutik.

- Nunarput akissaqanngilaq Paamiuni suluusalinnut mittarfiliunnginnissamut, Lars Sørensen oqarpoq erseqqissaatigalugu Paamiuni suliffeqarnikkut maanna siuariartortoqarnera.

- Aningaasaleeqataasimasut allatut eqqarsalernissaat ernummatigaarput. Lars Sørensen oqarpoq.