Lars Løkkep sakkutuut Afghanistanimit 2015-imi aninissaat taperserpaa
Isummamut tassunga taamatut tapersiinerata kingunerissavaa Danmarki qaqugu Afghanistanimiit aninissaa ukiulerlugu Danmarkimi ministeriunerup maanna aatsaavissuaq nalunaarutigissammagu.
- Amerlavallaartunik sakkutooqannginnissatsinnik kiisalu 2014-2015-imi sakkutooqannginnissatsinnik kissaatigineqartoq isumaqatigaara. Tamannali kisianni neriorsuinerunngilaq, kissaatigisaallunili, Lars Løkke Rasmussen oqarpoq.
- Kisiannili tassa imaappoq nunap immikkoortuani Helmandimi tuluit sakkuui qimagutereersimappata taava qallunaat sakkutuui qimagutereersimassasut, Lars Løkke Rasmussen oqarpoq.
Nunanut allanut ministerip Lene Espersernip qallunaat sakkutuuisa nunami pissutsit apeqqutaatillugit 2015-imi Afghanistanimiit aninissaat pillugu ministeriunerup oqaasii isumaqatigai.
- Kisiannili nunami tassani pissutsit allannguteqarnerlu paasilluaqqaartinnagit sakkutuut angerlarartinnissaat neriorsuutigisinnaanngilarput, Lene Espersen oqarpoq.
Socialdemokratit siulittaasuata Helle Thorning-Schmidtip nuannaarutigaa Løkke maannakkut toqqaannartumik oqarmat sakkutuut Afghanistanimiit 2015-imi angerlarartinneqarnissaat kissaatigigini.
- Isumaqarpunga tamanna naalakkersuisut ingerlaneranni annertuumik allannguutaasoq, taamatummi siornatigut oqartoqarsimanngimmat, Thorning-Schmidt oqarpoq.
