Lars Løkke: Kalallit nakkutigilersaanngilavut
Novembarip 13-anni qinersinermi ajugaasut kalaallit politikerii attaveqarfigisariaqarpaat, ajornartorsiutit iliuuseqarfiginiassammatigik. Taama oqarpoq partiip Venstrep siulittaasuata tullia, naalagaaffiup iluani isumagisassanut aamma peqqissutsimut ministeri Lars Løkke Rasmussen:
- Naalagaaffiit akunnerminni isumaqatigiissutaannut assigiinngitsunut qilersorsimavugut. Ilaatigut Naalagaaffiit Peqatigiit meeqqat pillugit aalajangersagaat ilaaffigaarput. Aamma taanna kalaallit malittariaqarpaat. Taamaaliunngippata Danmark akuliuttariaqassaaq. Taamaalioruttalu kissaatigisavut akimorlugit iliussaagut, Lars Løkke Rasmussen Danmarks Radiumi nutaarsiassaqartitsivimmut oqarpoq.
Naalagaaffiup iluani isumagisassanut ministerip oqaatigaa inooqatigiinnermi ajornartorsiutit iliuuseqarfiginiarlugit Kalaallit Nunaat immikkut ilisimasalinnik Danmarkimiit atorsinnaasoq – tassa tamanna iluaqutaassappat.
