Ministeriunerulli Lars Løkke Ramussenip naalakkersuisumi amerlanerussuteqarunnaarnissaat ernummatiginngilaa.
- Christian H. Hansenip tunuarneratigut imaalerpoq, Venstre, Konservativit Dansk Folkepartilu 79-iinnarnik maanna issiatitaqalersut, amerlanerussuteqassagaanni 90-iusariaqarlutik. Savalimmiormiorli Edmund Joensen Venstrep Folketingimi gruppianiimmat, Christian H. Hansenilu oqarmat Lars Løkke Rasmussen suli tapersersorniarlugu, ministeriuneq oqarpoq, naalakkersuisut ajornartorsiulernavianngitsut:
Maanna naalakkersuisutut issiasut atuutiinnarnissaat ippassartulli ullumikkut kissaatigineqarpoq, ministeriuneq oqarpoq. Kisianni Edmund Joensen Christian H. Hansenilu siunissami tapersersuiuaannarusunnersut qulakkeerniarlugu ministeriunerup taakku oqaloqatiginiarpai.