Assi: Martin Sylvest/Ritzau Scanpix 2019

Lars Løkke Rasmussen dronningimut inuulluaqqusiartortoq

Lars Løkke Rasmussenip naalakkersuisumi tunuarnerinik dronningimut nalunaaruteqariartornera minutsinik 20-nnarnik sivisussuseqarpoq.

Ministeriunerup Lars Løkke Rasmussenip dronning Margrethemut ileqquusoq malillugu inuulluaqqusiartornera tusagassiortorpassuarnit alaatsinaattorpassuarnillu Amalienborg Slotspladsimi malinnaaffigineqarpoq.

Lars Løkke Rasmussen dronningimut inuulluaqqusiartornermini inatsisartoqarnikkut killiffik paasissutissiissutigaa, tamannalu minutsinik 20-nnarnik sivisussuseqarpoq. Dronningip saniatigut aamma kunngissaq Frederik najuuttoq, kunngikkormiunit paasissutissiissutigineqarpoq.

Ministeriunerup soraarniutini tunniussimallugu dronningimiinnermi kingorna oqaatigaa.

- Ippassaq qinersinerup inernera ilisimatitsissutigeqqammerpara, taannalu naalakkersuisut siuttuuffigisama amerlanerussuteqarunnaarnerannik kinguneqarpoq, taamaattumillu naalakkersuisut tunuarniutaat tunniuppara, TV2 News-imut taama oqarpoq.

Folketingimi partiit ataasiakkaat dronningip naalakkersuisussarsiortitsineranut ullup ingerlanerani aggersarneqarnissaat ilimagineqarpoq, kinalu isumaqatigiinniarnernut siuttussatut toqqarneqassanersoq oqaluuserineqassaaq.

Partiillu saamerliit amerlanerussuteqarmata Mette Frederiksenip naalakkersuisunngortitsinissamut misissuinissamut periarfissinneqarnissaa Lars Løkkep naatsorsuutigaa.

- Maanna takusinnaavara Mette Frederiksenimik toqqaarusuttut amerlanerussuteqartut. Suna siunertarineqarnersoq naluara. Isummatigut akerleriissuteqarfiusupilussuuvoq, Lars Løkke oqarpoq.

Venstrep siulittaasuata qinersinerup unnukkuani oqaatigaa siulittaasup tullia Kristian Jensen gruppillu siulittaasua Karen Ellemann dronningimukartinneqassasut Lars Løkke Rasmussenillu siuttoralugu partiit akulliit peqataaffigisaannik naalakkersuisunngortitsisoqarnissaa inassutigissagaat.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat