Lars-Emilip suliaritinnera pissusissamisut ingerlasoq

Inatsisartut siulittaasuata, Lars-Emil Johansenip uummatimigut suliaritinnera pissusissamisut ingerlasimasoq, Lars-Emil Johansenip aapparisaa, Martha Lund Olsen facebookkikkut pingasunngornermi unnukkut allappoq.
Assi © : KNR
Allattoq Bikki P. Kleist, Anton Gundersen Lihn
novembarip 01-at 2017 20:39

- Lars-Emil Johansenip suliaritinnerani respiratori peerneqarpoq, nakorsat peqqissaasullu ajunnginnerarpaat, Martha Lund Olsen taama allappoq.

Inatsisartut siulittaasuat sulinerminut atatillugu angalatilluni Rigshospitalimut tallimanngornermi oktobarip ulluisa 27-ianni unitsinneqarpoq, Lars-Emil Johansenilu uummatimigut suliaritittussanngorluni.

AAMMA ATUARUK Lars-Emil Johansen uummatimigut suliaritissaaq


Misissuinermilu inernerit tunngavigalugit Inatsisartut siulittaasuat, Lars-Emil Johansen suliaritittariaqalerpoq.  

Lars-Emil Johansenilu novembarip ulluisa aallaqqaataanniit 2018-imi februaarip ulluisa aallaqqaataata tungaanut sulinngiffeqartussanngorpoq. 

Piffissami tassani tassa qaammatini pingasuni Inatsisartut siulittaasuata tullia siulleq, Mimi Karlsen Inatsisartut siulittaasorigallagaattut inissisimassaaq. 
 

AAMMA ATUARUK Mimi Karlsenip Lars-Emil taarserallaleraa

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk