Lars-Emil taperserneqarpoq
Namminersorneq pillugu Ataatsimiititaliarsuarmi ilaasortaq Enhedslistenimeersoq, Line Barfodip, Lars-Emil Johansenip ullup´qeqqanut nalunaarutaa tapersersorpaa, oqarlunilu siornatigut isumaqatigiissutaareersimasoq tunuarterfigineqaannarsinnaanngitsoq.
Namminersorneq pillugu Ataatsimiititaliarsuarmi ataatsimeeqqataaqqammersup Line Barfodip oqaatigaa,
Namminersorneq pillugu Ataatsimiititaliarsuarmi kalaallit qallunaallu politikerisa kissaatigigaat suleqatigiissitap aappaani siunnersuutigineqarlutik oqaatigineqarsimasut, Namminersornerlu pillugu Ataatsimiititaliarsuami ilaasortanit akuersissutaareersimasoq malinniarlugu, isumaqatigiissutaareermallu inatsisit oqaasertaanut ilanngutinneqarnissaa politikerit suliaralugu naammassissagaat, taamaammallu Ataatsimiititaliarsuarmi ilaasortat Kalaallit Nunaanni sap. Ak. tulliani ataatsimiinnissaanni eqqartorneqassasoq. Eqqartorneqareerpallu pisariaqartinneqassappat suligasuartitap aningaasaqarneq pillugu isuma-qatigiissummik suliaqartuusimasup taassuma ataatsimiissutigalugu eqqartuiffigeqqissinnaagaa, kiisalu aamma pisariaqassappat uagut ataatsimiititaliatsinni tamanna eqqartorsinnaavarput, taama oqarpoq, Enhedslitimeersoq, Line Barfod, nangillunilu: - Siornatigut isumaqatigiissutaareersimasup atorfilittanik inatsisit oqaasertaanut ilanngutsillugu suliariniarnera ajornartorsiutaasoq ilisimatinneqarsimallutik, namminerlu Ataatsimiititaliarsuarmi isumaqatigiissut politikikkut akuersissutigereernikuugitsik, inatsisillu oqaarsertaanut ilanngutinneqassappat siornatigut isumaqatigiissummut akuersissutigisimasaminnut naapertuuttussaasoq. - Line Barfodilu aperineqarami Johan Lund Olsenip oqarneratuut isumaqatigiissutaareer-simasoq tunuarterfigilernerat akivoq..
Tamanna ersarinnerpaamik akissaguniuk oqaannarsinnaalluni Enhedslistip isumaqatigiissutaareersimasoq tunuarterfiginngikkaa, tusarsimanngikkinilu partiit allat Kalaallit Nunaaniit Qallunaallu Nunaannit isumaqati-giissut tunuarterfiginiarneraat, taamaallaalli Det Danske Folkepartiimersup Søren Espersenip isumaqatigiissut suli taasissutigineqanngitsorli tapersersorsimanngikkaa.
