Lars-Emil qinigassanngorteqqinnianngilaq
Lars-Emil Johansen ukiut 40-i sinnerlugit naalakkersuinermik suliaqareerluni tunuassamaalerpoq. Inatsisartunut taamatullu folketingimut tullianik qinersisoqalerpat qineqqusaarniarnani Atuagagdliutinut ullumi saqqumersumut oqarpoq.
Allattoq Louise M. Kleemann
- Killissaa tikillugu politikikkut sulineq kimulluunniit peqqinnartuunngilaq, Lars-Emil Johansen oqarpoq, piffissap ilaani allamut saattarneq inummut politikikkullu peqqinnartuuvoq, partimik Siumumik aallarneeqataasoq, naalakkersuisunut ilaasortaasimasoq siulittaasuusimasorlu, ukiunilu arlalinni Inatsisartuni piffissanilu assigiingitsuni folketingimi ilaasortaasoq Lars-Emil Johansen Atuagagdliutini taama allaaserineqarpoq, siunissami suleriniarnerluni aviisimut oqaluttuarinngilaa.