Lars-Emil Johansenip folketingimi politikerit pakatsinarnerarpai
- Aatsitassallu qallorneqarnerisa nunatsinni namminersulivinniarnerup aningaasatigut qulakkeerneqarsinnaanerinik oqaatigisartakkavut naammagisimaarinnippaluttumik pissuseqarfigineqartarput sinnattualaaginnarnermillu tunngaveqarsorineqartarlutik. Isumaqatigiissutigeriikkavut saneqqullugit Danmarkimik qoqassiiniartutut pasineqartarpugut, quianaannartumillu oqaatsit tamakku qallunaat politikeriinit ilaatigut upperineqartarput, nutaamillu isumaqatigiissusiornissarput piumasarisarlugu, Lars-Emil Johansen oqarpoq.
Inuit ataqatigiit sinnerlugit Inatsisartuni folketingimilu ilaasortaq, Kuupik Kleist Folketingimi aamma oqalugiaateqarpoq, oqalugiaataali piginngilarput.