Lars-Emil Johansen tunuarpoq

Lars-Emil Johansen maanna Danmarkimiittoq oqarasuaatikkut attaveqarfigigatsinni ima oqarpoq:

- Ilaasortanngornissannut Naalakkersuisunit kajumissaarneqarlunga toqqarneqarsimanera akuerigaluarpara, kisianni ippassaq Air Greenlandip ataatsimeersuarneranit ilisimatinneqarpunga assorujussuaq ilaasortassatut toqqarneqarsimanera aporaassutaasoq.

Taavalu siulittaasussamut piukkunneqarnera assut aamma aalassassutaasimalluni. Aalassassimaarneq imatut aporfiginngikkaluarpara kisianni uani sulisut sinniisaasa kissaatigisimanngimmassuk tassaniinnissara, suna pissutigigaat nalugaluarlugu taakkua arlaannaalluunniit qanimut ilisarisimannginnakku, kisianni tassa sulisut sinniisaasa taamatut oqarsimaneragaanerat, uanga tassaniinnissara kissaatiginagu, taanna uanga ataqqillugu tunuarniuteqarlunga naalakkersuisunut nalunaaruteqarpunga, Lars-Emil Johansen taama oqarpoq.