Lars-Emil Johansen: Naammagittartariaqassaagut

Kommunit maanna 18-iusut sisamaannanngortillugit iluarsaaqqinnermi ikaarsaarnermi naammagittaqqaarnissaq Siumup politikikkut oqaaseqartartuata, Lars-Emil Johansen, kaammattuutigaa.

Iluarsaaqqinnermut ataatsimiisitaliaasimasup maanna atorunnaareersup missingersorsimavaa, kommuninik iluarsaaqqinnerup kingorna 220 millioner koruunit tilillugit sipaartoqarsinnaasoq.

’Kisianni ikaarsaariarfeqaqqaarnissaa Lars-Emil Johansen-ip eqqaasitsissutigaa:

- Isumaqarpunga immitsinnut piumaffigisariaqartugut, sipaarutissat taakku piviusunngortissavagut piviusunngortittariaqarpavut, eqqaamassagatsigu komunitigut nutaamik aaqqissuussinissaq tassaassammat, namminersulernissatsinnut ikaartarfik pingaaruteqartoq.

2013-p tungaanut aningaasartuuteqarnerunissarput erseqqissaatigaa. Sulianik sulisunillu nussuineq allaffitsigut nutaamik aaqqissuussineq IT-kkullu atortorissaarutitigut nutaamik ingerlatseqatigiiffiliorneq, taakku aallanisaataasumik aningaasartuutaanissaat Lars-Emil Johansenip erseqqissaatigaa. Taakku naammassippata ukiumut 200 million koruunit sipaarutigineqartarnissaat piviusungortinneqartariaqartoq Lars-Emil Johansen isumaqarpoq.

- Taamaanngippat nunatsinni namminersornerulernitsinnit aaqqissuussinerit pingaarnersaat qatangiinnartinneqartutut issammat.