Canadamiut kinguppattaasa, nunanut EU-mi ilaasortanut tunineqarnerisigut akitsuutip appartinniarneqarnera, nunatsinni sinerissap qanittuani kinguppaniartunut kingunerlutsitsisinnaavoq, folketingimi inatsisartunilu ilaasortaq Lars-Emil Johansen tusagassiutinut taama nalunaaruteqarpoq.
Lars-Emil Johansen-ip Danmark-imi inuussutissaqarnermut ministeri Hans Christian Schmidt ulluni kingullerni attavigisarsimavaa, nassuiaateqaqqullugu Canada-miullu kinguppattaasa EU-mi nunanut tunineqarnerisigut akitsuutip appartinniarneqarnera unitseqqullugu.
Akitsuut appartinneqarpat Canada-miut kinguppattaat, Kalaallit Nunaanni kinguppattanit akikinnerusumik tunineqartalissapput.
Hans Christian Schmidt Lars-Emil Johansenimit piumaffigineqarsimavoq equngalluinnartumik unammillerneqarneq EU-mi unitsinneqarnissaa, killilersimaarneqarnissaaluunniit sulissutigeqqulugu.
EU-mut eqqussorneqaqqusaasut pilersaarutigineqartutut qaffanneqassappata, tamanna nunatsinni raajarniarpassuit ingerlasinnaajunnaarnerannik kinguneqassasoq, Lars-Emil Johansen tusagaassiuutitigut nalunaaruteqarnermini ilaatigut taama allappoq.