- Namminersorneq pillugu isumalioqatigiissitat Aningaasaqarnermut inuussutissarsiutinillu ineriartortitsinermut suleqatigiissitaani aatsitassat pillugit naapeqatigiissuteqarsimammata iluarisimaartariaqarpoq. Folketingimi inatsisartunilu ilaasortaq Lars-Emil Johansen Itisiliinermi arfinermut aallakaatinneqartussami taama oqarpoq.
- Taamaaliluta namminersulernissamut alloriarneq pingaartoq tiguarput. Kisianni namminersulernissaq soorunami inuiaat kalaalliit taasisitsinikkut aalajangertussaavaat, Lars-Emil Johansen erseqqissaavoq.