Laila Friis-Salling siullermeerluni qitilersoq

 - Pissanganartorujussuuvoq, qilanaarsuaarpunga ullumikkut qitittussaagatta. Aallartiliivillutalu tassa, pissangaqaanga, sisorarluni OL-imi peqataasimasoq Laila Friis Salling taama oqarpoq.

AAMMA ATUARUK Laila Friis-Salling Vild med dansimi peqataalersoq

Sisorarnerup silarsuaanit qitinnerup silarsuaanut pulaneq unamminartoqartoq taanna oqarpoq. Taamaattorli illunnaassanilu Morten Kjeldgaardilu sungiusaleruttorput, sisorartartoq qitinnermik misilittagaqarnersoq KNR-imit aperigatsiginni ima akivoq:

 - Naamik, kisianni kalaattoortarpunga, siornatigut qitittarnikuunngilanga, Laila Friis Salling taama oqarpoq. 

Taamaattorli qitinnermi unamminerup ingerlanerani peqataajuarusulluni nunatsinnit isiginnaartussanut ima kaammattuuteqarpoq:

 - Nuannertorujussuugami qititassarput sukkalaarami, qiimanartorujuuvoq. Neriuppunga isiginnaartoqarluarumaartoq taavalu aamma taasilluarumaartut, ingerlaqqikkusuttorujuugama, Laila Friis Sallingip qitinnera malinnaavigerusukkukku unnugu KNR TV-kkut nalunaaqutaq 21.20 aallakaatinneqassaaq.