Laila Friis-Salling Vild med dansimi peqataalersoq
TV2-p isiginnaagassiaq nuannarineqarluartoq Vild med dans nutaaq aallakaatilerpagu kalaaleq ol-imi peqataanikoq qiteqataassaaq.
Allattoq Kenneth Elkjær
juulip 20-at 2018 09:35
Nutserisoq Connie Fontain
Laila korea kujallermi Pyeongchangimi ukiuunerani OL-ertoqarnerani kamippannik sisoqqateqarluni, oqortunik atisaqarluni sisoraateqarlunilu peqataavoq. Ukiamulli atisalersoriaasissaa allarluinnaavoq, tassami 33-nik ukiulik kusanartumik qitinnermi kjoleqassaaq, kimmikkaaqassaaq taninnikuussallunilu.
Vild med dansimili peqataanissaq unammilligassaavoq kalaallip timersortartup naaggaarsinnaanngisaa.
- Periarfissaqarlunimi kina naaggaassava. Taama nuannerpasittartigisut, Laila Friis-Salling TV2-mut oqarpoq.
Taannali tallimanngornermi aallakaatinneqartartumi kalaallinit peqataasunit siulliulinngilaq. Julie Berthelsen 2016-imi peqataavoq, qiteqatigisanilu peersitaannginnerminni isiginnaagassiap ingerlanerini arfineq-marlunni ilaavoq.
