Københavnimiit Kangerlussualiartussat makiaartariaqassapput
Ilaasussat Københavnimiit Kangerlussualiartussat aqagu ullaakkut makiaartariaqassapput.
USA-p præsidentiata Barack Obamap Københavnimut tikeraapallannissaa pissutaavoq. Annertunerusumik isumannaallisaasoqarnissaa pissutaalluni Kastrupimut angallanneq eqqorneqassaaq.
Aqqusernit ilaasa matuneqarnissaat aamma pilersaarutaavoq, soorlu aamma Danmarkip Sverigellu akornanni qimuttuitsunik angallanneq akunnermi ataatsimi eqqorneqassasoq.
Københavnimiit Kangerlussualiartussat taamaammat Kastrupiliajaarnissaat Air Greenlandip innersuussutigaa, ajornanngissappallu qimuttuitsunut metromulluunniit ilaallutik Kastrupiliaqqullugit.
Aqqusernit ilaasa matoqqatinneqarnerat pissutaalluni biilerluni, taxarluniluunniit busserluniluunniit mittafiliarnissaq ajornakusuussaaq. Air Greenland taama ilisimatitsivoq.